2014年1月27日星期一

淘寶集運教學

想搶先知道最新的淘寶資訊,就快D “LIKE” 我地既 Facebook Page 啦!http://www.facebook.com/hk.taobao.page

經常有讀者問小美如何使用集運,其實集運是最適合香港人用的,新手們快學,因為可以慳不少運費。


其實什麼是集運集運就是集運公司在內地替你收妥各家店舖的貨物,然後再量重,計算所有貨物實際運費後再一次過寄到香港你的指定地址給你。好處是運費較順豐逐間寄平,短處是煩。


淘寶上有很多家集運公司提供服務,大家可逐一看看比較收費。香港的dimbuy也有集運服務提供,可以到網頁查看 但小美綜合了少網站港人用開勁讚的集運並寫成了香港人常用集運公司推介及「集運收費一覽表, 必收藏」。
 
現在也有官方集運"國際轉運"服務. 可以參考此文章比較那種適合自己.

淘寶官方的國際轉運集運教學 上篇

 



實際上如何運作?先分別在三家店買東西,總運費=各店發貨到集運公司國內地址收費+集運到港收費 如果還有不明白,可以參考一下圖,看各店各自發貨到香港和使用集運的分別 。 
taodot1
taodot2


行動流程:
第一步:先決定找那間集運代收有關商品,(在淘寶內輸入"集運香港"搜尋,即可找到大量提供集運服務的公司,或直接輸入上述文章中屬意的集運公司。) 

第二步:集運收費一覽表, 必收藏」, 看該店舖發往香港收費,再自行決定用快遞還是ems在香港收貨。用EMS發住宅最化算,由香港郵政派送,不過較慢要2-3天左右,但很可靠,如果你不在家也能到郵局自取, 限重2kg內。快遞有些住宅如將軍奧, 大埔等也要港幣$18-30或以上附加費. 快遞   發工商地址最化算

dialog-information
住宅地址:一般快遞需收取上門附加費,但較快,今天發,明天收到。

工商地址:建議用快遞,也較平。

第三步:在集運淘寶店的快遞寶貝或頁面抄下地址(收件地址、姓名、區號、電話)
再去"我的淘寶"頁, "管理收貨地址"欄, 照樣加入集運的地址.
收貨人姓名通常是集運名轉你的淘寶名. eg 陳大文轉小美
第四步:去淘寶選購心水商品後,按購買及結算,輸入收件地址是「集運的地址」,不用告訴賣家你用集運,好多賣家也不明白集運的。 收件人是((集運的人姓名+轉發香港(你的旺旺ID)) ,收貨的聯絡全填上集運的資料。

e.g 集運人姓名---朱仁x (轉發小美) 另在給賣家留言那裡寫上:此貨物過集運公司中轉,請務必提供正確的運單號碼,如有問題,請直接旺旺聯繫XXX小姐/先生或電話:00852-XXXXXXXX  (也有網友說不要寫, 怕蝦我地遠, 寄次貨俾我地).

第五步:查看物流: 看集運簽收左未, 買的時候,最好用阿里旺旺向店主查詢,何時發貨及大約多少天能收到有關商品?過了差不多時間,可自行上網查看集運是否己簽收好?

方法一:   我的淘寶 --> 已買到的寶貝 --> (所訂購的商品一行)查看物流
delivery1
又或記下單號,到該公司查看。
方法二:快遞之家,輸入單號亦可。
第六步:假設有6包件要代收,而你又自行查好集運已簽收。 便可用阿里旺旺通知集運公司。 按照這樣的格式告訴集運你所有的運單號碼 例: 合單數量:6單:圓通2301572865  申通 368696044731 韻達 2311814779  天天 36367378338 
我也會先行拍下集運的快遞首重寶貝. 在給賣家留言中再打一次所有運單號碼, 並付款. 收到已付款order做野更快手.
第七步:集運會旺旺通知你總重量、應付運費金額。你拍下集運提供的link or自己揾續重和如有需要拍埋偏遠地區附加費,俾錢後通知集運出貨便可。 今次送貨地址,收貨人姓名 及聯絡電話,是香港地址了,最好用真實姓名,EMS用郵局派件,錯過派件後都可以到郵局自取,不能提供身份證明可能拿不到貨,小心。集運會給你另一貨運單號。keep check 到香港未.
exclamationmark 注意 : 集運一般沒有到付,要用  支付寶付款。  
小美試過用廣東集運,用圓通發住宅,今發明到,超正。
用ems就要3-4天
第八步:要查詢集運發香港的郵件現在位置,也可用上面提供的快递之家網站查看。
九步:等收貨 
總括來說,小美會盡量在每一家店選購到免郵金額,叫他們發去集運,由於是國內地址所以免郵,再由集運發到香港,那麼運費會節省不少。 若只在一家店購買,聯絡賣家說用順豐到付,賣家一般會在你拍下後自動減去運費,如已免郵,他可能再給你優惠,不過要自己爭取。 
       
相關文章:

1.  香港人常用集運公司推介
updated 27/1/2014
        

淘寶快速捷徑,淘寶會在這些分類中放特價或最熱門貨出黎俾大家參考 

116 comments:

我想問~不能提供身份證明可能拿不到貨
係住宅定係郵局?
如果住宅既話我屋企人代收得唔得?

去郵局拿才要岀示身份證,家中有人代收是無問題的。

係唔係 check 左集運簽收左, 就要按"確認收貨"

絶對唔係,要你在香港收到件貨啱 ,無問題先好確認 否則伸請退款好麻煩

我淘左一年多都唔知有集運呢家野,太愛你了~~

因為我今次比淘點跣鑊金之後,決定以後都唔會再用!!!! 換錢一早轉左用onlinebuy,以後物流都唔會再用!!

十分感謝你提供呢d資料 ^o^

如果真係要退貨, d 運費點同賣家傾呢? 佢會唔會當國內至國內計.

如果賣家發貨至集運,佢有大道理只負責國內的運費,8-12$,一般也如此。
也有一次小美遇的賣家肯負責香港至國內的運費,$45順豐上門收件。

此留言已被作者移除。

請問賣家不包國內郵費可否使用dimbuy的單件快運?如果可以,請問國內寄到東莞的運費和之後運到淘點(DimBuy)自提站的費用是付給DimBuy嗎?

賣家不包國內,也可用dimbuy.
國內郵費付給速遞公司,如圓通,中通,韵達等做國內運輸公司,送 到dimbuy的地址後,dimbuy幫你送到香港的運費當給dimbuy.

如果在一間店買,仲乜不用順豐呢,點解要用dimbuy?

咁係咪即係買左野先,入哂集運個人啲資料,跟住等啲野運到集運個到?
咁幾時拍集運啲野?
咁係咪要話俾集運啲人知有貨寄去佢地到先?幾時講?

係,去買野先,送貨地址填集運,聯絡人填集運。我會等東西一兩天,就去拍集運的運貨服務寶貝,給賣家留言填所有單號,再旺旺一次單號俾佢,然後等等等,一見所有貨已簽了,就再旺旺集運,提佢量重報價。但注意,你拍集運的寶貝,由於未俾錢,三日未付款交易就除消。會無左個紀錄。所以我一兩天後等貨運得七七八八才找集運。
放心,不用先通知集運的,他們每天也在做生意 。

我想知咩系拍下集運提供的link,並請集運修改運費???
同埋我想知點比錢集運公司?

集運係淘寶的一間店, 你去買集運服務, 就拍一件寶貝, 有些是自己入數目如5個續重.
有些是拍一件續重之後集運改價錢為你應付的金額.

我剛拍下了寶貝, 是要等到寶貝到了集運公司先給運單號碼嗎?
抑或是剛拍下就給運單號碼?

兩種做法都得, 我會差不多到齊先俾, 太早都無用

哦! 明白了, 謝謝你 ^^
(謝謝你的指導, 令不少港人懂得淘寶!!!!!!!!!)

我收到了在TMALL拍的寶貝, 但怎麼我一确认收货, 就到了支付寶的網頁!(像是要求我再次付錢般~)
請問我應怎麼辦?

是正確的,係會再跳到支付寶,並要你再輸入支付密碼,不會重覆俾錢,你上次俾的錢是存放在第三方手中,未到店主手上的,你收到貨,無問題後,就確認從第三方手上把錢交到店主手上。

哦..原來係咁!
THANK YOU^^

我拍下商品快1星期了, 但還未運到您們給集運到廣州..怎麼辦, 會是寄失了嗎?真令我擔心!

你沒有查物流到那裏了嗎?

物流這三天還是"广东省广州市嘉和 PDA正常签收扫描"..

"广东省广州市嘉和 PDA正常签收扫描" 是签收了嗎?

係,已經可以去找集運打包量重和報價。

運單號碼等於訂單號碼?

夜薔:

不是,運單號碼是另一個號碼。

阿卓

選擇EMS發貨,若屋企無人認領,係米會送去屋企附近嘅郵局架?
佢會唔會通知我一聲要我自取架?
點樣同佢講將D貨擺去屋企樓下保安嗰度?咁樣又得唔得架?

選擇EMS發貨,若屋企無人認領,係米會送去屋企附近嘅郵局架?----> 係
佢會唔會通知我一聲要我自取架?---> 有張卡放落郵箱俾你
點樣同佢講將D貨擺去屋企樓下保安嗰度?----->除非你同管理員好好好熟, 早單聲佢.

用EMS發貨,可否指定發去一間郵局收呢?
因為我常不在家,又不想發去工作地方,
想指定發去公司附近的一間郵局

以我所知係得嘅, 但詳細操作請問番你的集運, 例如地址點填.

EMS同快遞有甚麼分別?

此留言已被作者移除。

我想問用集運係購物個是係商店到比佐郵費先or係集運公司個度到付郵費再計總郵費?

ems 係郵局郵差派
快遞係私人公司派

問: 我想問用集運係購物個是係商店到比佐郵費先or係集運公司個度到付郵費再計總郵費?
答: 到店買野時先俾國內那程送去集運, 集運收齊所有貨再報價落香港那程幾錢.

唉,原本今日等埋一件貨就可以發圓通,趕係7月1之前收到-.-..點知發中通個件貨因為無羅湖網點又退返去北京,都5明ge..無網點甘你仲收件派去個到-.-..搞到其他貨ge確認時間就黎到期,想問下e家係咪延遲收貨時間好d呢?延遲收貨時間係咪一定要先通知賣家架?

延遲收貨教學:
http://cheaptaobao.blogspot.hk/2011/12/taobao-trade-faq.html

你好呀, 請問如果我想買既野既賣家話唔送香港, 因為咩過唔到安檢, 係咪集運都冇用嫁? 得1件貨又可唔可以集運? 如果集運唔得, 又有咩方法可以買到? Thanks!!

你試下問不同集運先, 有機會得, 1件當然得, 我都試過.

可否講下想淘乜?

我想問系咪拍左貨品,就用支付寶俾左國內運費個賣家先,然後等集運收到貨,再俾集運運費?
另外如果問集運公司話用2間快遞(夜貓菲兒);甘如果賣家吾系用果2間又寄吾寄到去集運公司?貨想送去工廠地址既話系咪要問番集運公司?THX!

國內運費在拍寶貝時俾埋。
到了集運後,運香港那程錢係拍集運的寶貝,當買貨咁俾錢,也當然是支付寶付。
絶大部份國內速遞都能到達集運地址,放心,基本上不用問,你可能有點混淆了。送香港的速遞就是集運用京廣,圓通或彪記等。

你好,請問用順豐有送過800元以上?海關新例好似唔得

我未聽過喎, 可否告知來源?

你好,我想問我點知個運單號碼?
仲有用集郵係咪先購買集郵,再去想買既淘寶店購物??

運單號碼在你買左寶貝,俾左錢,賣家發左貨就會岀現。 在我的淘寶,已買到的寶貝,物流訊息中找到。

買齊野,收貨地址全填上集運的地址,小美會去集運拍丿個寶貝,給賣家留言全填所有運單號碼,收齊貨後才找集運,用旺旺,再給一次運單號碼。等回覆。

你好,請問直接用圓通寄香港平時首重是否$20?

每間集運收費不同。

海关总署公告2010年第43号:
http://www.customs.gov.cn/publish/portal0/tab399/info231089.htm
你有寄電腦手機嗎?

寫係咁寫, 實際有後幾多人手去查?
你問下店主肯寄順豐先算.
否則要問集運能否中轉香港

我只知有人RMB699淘咗件Ainol Novo 7 精靈版,白色機身, 用順豐

想問一下……

假設我想買本書,本書100蚊,快遞要30蚊。
然後又買個袋,個袋150蚊,快遞要50蚊。

然後以上兩個物品,我都填廣東省某間集運公司既地址。

那麼,在支付寶上面……我都要比左個貨物錢賣家先?
姐E+個情況,我係咪應該只比$100+$150 = $250 個賣家先?
然後先再同同集運公司傾運費……

其實要點做/__\ 請解答…有勞有勞QAQ

我想問,我買左本書係COPY版(不是正版),轉運到香港,我會唔會比人拉??

係唔係多過3間都得?

你好呀~我想買DIY用品,雕刻刀,印台同印台補充液,店主話係違禁品順豐唔肯送,請問小美我可以點樣先買到呢D野呀?因為我家住離島,通常都係搵順豐送到7-11,我去提貨.請問知不知有沒有集運寄到呢d物品?如果係違禁品,是否買不到?

send 貨物相去問集運吧, 有時能成功, shhhhuuuu

我想問我淘果間國內郵寄要收費係咪我要比集運費加國內郵費?

邊一間集運會送貨上門?

請問係咪首先要自己比左由賣家到集運嘅貨物錢..
之後再同集運傾由佢個度嚟香港嘅運費?

定係嚟晒香港先一次過比晒兩家嘅錢?

希望小美你可以解答到我><..Thanks~!!

yes to this question

請問係咪首先要自己比左由賣家到集運嘅貨物錢..
之後再同集運傾由佢個度嚟香港嘅運費?

邊一間集運會送貨上門? everyone, just some need extra fee, some not

可否推薦一些免費送貨上門嘅集運,因為我用過幾間都要我落去樓下或屋企附近收貨.

集運d錢點比佢嫁>(p.s.我冇信用卡)

你好呀, 有無人試過用集運, 快遞公司已派貨及簽收, 但集運公司無收到貨及簽收, 可以點做??

have u contact 店主, will it be a wrong number?
have u argue with 集運, and give the 簽收證明? 佢失貨要佢負責.

ems不是發到住宅區要收附加費$30嗎?
我之前不知道,結果被ems收了幾次$30...

i think u are wrong, ems is delivered by postoffice, postman. wont charge $30.

如果我係用集運送 咁我係淘寶拍了一樣野係40 果間野要收你ems 30$ 咁樣加咪 40+30=70$ 咁樣我係唔係要比70$ 只係只係比40$? 要點講同賣家講 用集運送 叫賣家扣除果30$?

錯! 國內郵不用ems. 應該係8-12/kg. 你俾集運國內地址給賣家, 佢會告訴你運費去集運要多少錢. 那是在拍寶貝時一併付.
所以40+around10=$50

我想問我未買件貨之前,係咪計唔到集運要比既錢?
我係咪唔可以就咁SD比集運公司睇,叫佢地比個價我?
係既話我咪唔知集運平D定直接寄黎香港平D囉?
同埋我見有集運公司話計體積,有D又首重又續重,我都唔明姐係點計...

第一次集運

我在5間不同店鋪購買,想問下貨到先付集運費或先付集運費后收貨?但是不知道重量? 請問我如何做?

點解?圓通,順豐集運,有很多名,我應該用邊?/深圳顺丰速运广东至香港快递集运服务顺风
大陆到香港集运运费到付/顺丰快递服务 代收件 统一 淘宝集运 惠州发往香港?請問我如何做?

大家記得用集運不要再用波仔了!!我上次中了伏, 後來發現很多香港人都中他的伏...你們想心驚膽跳又或者貨永遠收不到, 就找波仔吧! 為了香港人, 我再到處留言, 不想再有受害者了....我之前用了他大約2年都沒問題, 可是他近來像瘋了一樣, 不停找香港人發脾氣, 不信的話你試試看吧...有人11月中的貨還在他的手上....

波仔網頁:
http://shop61664699.taobao.com/shop/view_shop-13ff34ab5b31521397aaaf87dcc6bd0a.htm?spm=a1z09.5.0.48.Mu58XB

"我也會先行拍下集運的快遞首重寶貝. 在給賣家留言中再打一次所有運單號碼, 並付款. 收到已付款order做野更快手."

小弟不是太明白這一句..
即係大大你會買左野, 比左錢之後, 會再留言給賣家運單號碼?<--想問一下有什麼作用??
確定簽收後在留言集運?

這次説的賣家是集運的店。首先去購物,賣家發貨後有運單號,之後去買集運店的集運寶貝, 拍集運寶貝時候給集運留言。

Q: 點解?圓通,順豐集運,有很多名,我應該用邊?/深圳顺丰速运广东至香港快递集运服务顺风
大陆到香港集运运费到付/顺丰快递服务 代收件 统一 淘宝集运 惠州发往香港?請問我如何做?

A: 你要決定用那間速遞公司, 順豐貴但快, 圓通ok, 彪記無禮貌, 京廣一般

Q: 我想問我未買件貨之前,係咪計唔到集運要比既錢? 答: i dont understand what u mean.
Q: 我係咪唔可以就咁SD比集運公司睇,叫佢地比個價我? 答: 不知幾重點計俾你
Q:係既話我咪唔知集運平D定直接寄黎香港平D囉? 答: 集運sure cheaper, unless u only buy in one shop
Q: 同埋我見有集運公司話計體積,有D又首重又續重,我都唔明姐係點計...
A: if your box is real big but light, it count計體積 例如毛巾, 喼,
otherwise, normally 計淨重.

我想問, 係咪可以用支付寶一次過黎比(集運到港既郵費)+(拍賣店既貨價+國內郵費?)
我係咪應該問左集運公司仲收唔收新貨, 先再去拍淘寶既貨品?
之後就用支付寶比左貨品錢,地址填集運地址,睇到貨品到左,就通知集運公司叫佢地量重+發貸?? 但之後集運既費用點比呢??
流程大慨是這樣嗎?? thank you!!!

但印象中支付寶好像只可以最多5件貨,我仲可以揀咩付款方式??

我有旺旺及淘寶,但2個賬戶名稱不同,怎樣可以合併用到呢﹖

Q: 係咪可以用支付寶一次過黎比(集運到港既郵費)+(拍賣店既貨價+國內郵費?)

A: 理論上得, 時間上不可能. 應該俾左拍賣店既貨價+國內郵費, 店主才發貨, 去到集運手上他磅重, 才知集運到港既郵費, 再用支付寶俾, 所以是一次過.

Q: (我係咪應該問左集運公司仲收唔收新貨, 先再去拍淘寶既貨品?
之後就用支付寶比左貨品錢,地址填集運地址,睇到貨品到左,就通知集運公司叫佢地量重+發貸?? 但之後集運既費用點比呢??
流程大慨是這樣嗎?? thank you!!!

A: 是, 用支付寶, 買野咁俾.

Q: 但印象中支付寶好像只可以最多5件貨,我仲可以揀咩付款方式??

A: 無最多5件貨這回事,十多廿單都得

Q: 我有旺旺及淘寶,但2個賬戶名稱不同,怎樣可以合併用到呢?

A: 淘寶回答: 恩,好的。 那么请您拨打这个电话咨询一下: 香港服务热线:(852) 2215-5300
我: 究竟能不能不一樣?
它: 您可以直接使用淘宝的用户名和密码直接登录旺旺的!

第一次淘寶,想用集運,想請問下如果用HSBC visa card 俾支付寶,要每次都申請驗證碼嗎?買野申請一次,俾集運又要申請一次嗎?
快捷支付用HSBC得唔得?另快捷支付安全嗎?

係,不如用pps或私人充值啦!

旺旺會員名不能改,顯示名可以在個性中改

我打算在收貨地址上新增收貨人,但佢話收貨人果欄太長,點算

是有字數限制的,你要同集運反映你的問題,看看那部份可改短

Help, 我有一個運單號碼,於快遞之家試了三天都說沒有信息,不知道貨物到左邊,我應該點做好呢?

快找店主,可能俾錯號碼

此留言已被作者移除。

第一次淘寶
係咪要係旺旺同幫我集運嗰人講咗島架???

我想在淘竇買大型傢俱落來香港, 請問有那間集運會運重型傢俬?

買完等寄到去集運果度要等3-4日
咁係咪等3-4日先去拍集運首重俾單號
定要俾左單號先拍集運首重??

Wing Man Cheung,

我通常等3至4日,等貨物到了集運先俾單號,因為貨未到齊,您俾單號佢地都無用,佢地又唔知收您幾多錢,佢地不會俾您拍的。

所以等貨到後,再俾單號集運檢查,之後再拍。


按照這樣的格式告訴集運你所有的運單號碼 例: 合單數量: 共6單:圓通2301572865 申通 368696044731 韻達 2311814779 天天 36367378338

為何運單號碼前有個快遞公司的名稱 ?

Charmaine Chan ,

因為例如您在幾間店買了貨,不同的店可能會用不同的物流公司寄去集運度,所以運單號碼前有個快遞公司的名稱,方便集運搵貨。

我係7-11買支付寶卡 都可以集運?

支付寶卡當錢洗, 當然可以用來付集運費

想問一下,唔係好明白,一開始俾錢個時計左去廣東廣州(集運)的運費,最後D運費(廣州送香港)又再叧外計,咁係5係真係會平左好多???? 仲有我應該幾時話個單号俾集運知? THANK YOU!!!!!!

如果買野個度係用中通之後集郵個度用EMS得吾得嫁?

買得越多間越慳得多。買好哂簽好哂先告訴集運,無問題。

此留言已被作者移除。

bonnie 似乎未弄清集運的運作方式.

請問淘寶既罐裝熟桐可唔可以快弟嚟香港?

我之前天貓買醫療用品, 順豐不能送香港, 請問集運可以嗎

此留言已被作者移除。

妳好,我是新手用淘寶,有問題想請教,現假設我看中了這件物品,選購時出現以下字樣;
¥ 58.00-68.00
北京至九龙
快递: 50.00
国际转运: 13.00元/KG起
其實快遞$50這個報價,是北京到香港地址的收費嗎?
這個快遞可自由選擇那間公司嗎?或會是郵政嗎?
有朋友說可使用國際轉運,會便宜點,但時間會長一點,不趕用其實也不錯,還可自由選擇那間公司,如順豐等還可版門市自取,真的嗎?
另朋友說要定時留意查看物流情況,因一入庫後,就要像購物一樣,在網上支付轉運費用!
這樣如果一時忘了付運費,豈不貨物一直不出庫到香港?這個費用不能在到門市取貨時才付嗎?
問題煩多,感謝了

發佈留言

Facebook Favorites More